باب الغسالة مش بيفتح؟ السبب والحل

الغسالات الأمامية فيها قفل أمان بيمنع فتح الباب طول ما فيه مياه أو الحلة بتلف. عشان كده أول حاجة لازم نتأكد إن الدورة خلصت والمياه اتصرّفت.

أسباب إن باب الغسالة مش بيفتح

• لسه فيه مياه في الحلة: القفل بيفضل قافل للأمان لحد ما المياه تتصرّف.
• قفل الباب الكهربائي محتاج دقيقة أو دقيقتين: بعد نهاية الدورة بيستنى شوية قبل ما يفتح.
• عطل في قفل الباب (السوستة الكهربائية): مش بيستجيب لأمر الفتح.
• انقطاع كهرباء أثناء الغسيل: الباب بيفضل مقفول لحد رجوع الكهرباء.
• عطل في الكارت: مش بيدّي أمر فتح القفل.

حلول تقدر تجربها بنفسك

• استنى دقيقتين بعد نهاية الدورة وجرّب تفتح تاني.
• لو فيه مياه، شغّل برنامج طرد أو تصريف أو نضّف الفلتر لتصريف المياه، وبعدها القفل غالباً هيفتح.
• افصل الغسالة من الكهرباء دقيقة ووصّلها تاني (بيعمل ريسيت للقفل في بعض الموديلات).
• بعض الغسالات فيها مقبض طوارئ لفتح القفل تحت جنب الفلتر، راجع الكتالوج.

إمتى تحتاج فني متخصص

لو المياه اتصرّفت والكهرباء موجودة والباب لسه مش بيفتح، غالباً قفل الباب الكهربائي أو الكارت محتاج تغيير، والفني هيفتحه ويصلّحه من غير ما يكسر حاجة.

ليه تختار مرحبا لإصلاح الغسالة

إحنا مركز مستقل متخصص في صيانة وإصلاح الغسالات الأوتوماتيك بكل أنواعها. بنوصلك في نفس اليوم، بنكشف العطل بدقة، بنستخدم قطع غيار كويسة، وبنقولك التكلفة قبل ما نبدأ من غير مفاجآت. خدمتنا بتغطي دمياط والدقهلية والشرقية بالكامل.